Լարված մթնոլորտ՝ Մաշտոց և Պուշկին փողոցների խաչմերուկում
Այս պահին լարված մթնոլորտ է Մաշտոցի և Պուշկինի փողոցների խաչմերուկում: Ցուցարարներն անընդհատ փակում են ճանապարհը, իսկ ոստիկանները բացում են այն: Որոշ վարորդներ կանգնեցնում են իրենց մեքենաները, ազդանշաններ են տալիս՝ ի պաշտպանություն ցուցարարների, և հրաժարվում են շարժվել: Ոստիկանները հորդորում են վարորդներին վարել իրենց մեքենաները:
Քիչ առաջ ոստիկանները սկսեցին վազել մի քաղաքացու հետևից, որը կայանել էր իր ավտոմեքենան փողոցում և հեռանում էր այնտեղից: Նրանք բռնեցին քաղաքացուն, սակայն այլ մարդկանց հորդորով՝ բաց թողեցին: Այդ ժամանակ ցուցարարները սկսեցին ծափ տալ քաղաքացուն բաց թողած ոստիկանի համար:
