Ալիևի օգնականն Ադրբեջանի վարչապետ է նշանակվել
Ադրբեջանի խորհրդարանը նախագահ Իլհամ Ալիևի արտաքին քաղաքականության հարցերով խորհրդականի պաշտոնը զբաղեցնող Նովրուզ Մամեդովին ապրիլի 21-ին հաստատել է երկրի վարչապետի պաշտոնում: Այս մասին հայտնում է ադրբեջանական ԱՊԱ գործակալությունը:
Ապրիլի 11-ին Իլհամ Ալիևը չորրորդ անգամ անընդմեջ ընտրվել էր Ադրբեջանի նախագահի պաշտոնում՝ հավաքելով ձայների 86.02 տոկոսը:
Ընտրություններն անց էին կացվել լայնամասշտաբ խախտումներով, որոնք արձանագրել էին նաև օտարերկրյա դիտորդները:
