Նիկարագուայում ցույցեր են ընթանում կենսաթոշակային բարեփոխումների դեմ
Նիկարագուայի փոխնախագահ Ռոսարիո Մուրիլոն քաղաքի փողոցներում շրջող ցուցարարներին անվանել է «արյուն պահանջող վամպիրներ»: Հազարավոր մարդիկ դուրս են եկել փողոց՝ կենսաթոշակային նոր բարեփոխումների դեմ պայքարի: Այս մասին տեղեկացնում է BBC-ն:
Երկու ցուցարար և մեկ ոստիկան սպանվել են մայրաքաղաք Մանագուայում բախման ընթացքում: Բողոքի ցույցերն արդեն երրորդ օրն է, ինչ շարունակվում են: Ոստիկանությունն արցունքաբեր գազ է կիրառել ցույցը ցրելու համար:
