Կառավարության հետնամուտքի մոտ տոնական տրամադրություն էր. ծաղիկներ էր ընդունում նախարարի վարորդը. «Ժողովուրդ»
«Ժողովուրդ» թերթը գրում է. «Երեկ, մինչ Սփյուռքի նախարարի պաշտոնակատար Հրանուշ Հակոբյանը մասնակցում էր կառավարության նիստին, կառավարության հետնամուտքի մոտ տոնական տրամադրություն էր: Բանն այն է, որ երեկ Հրանուշ Հակոբյանի ծննդյան օրն էր, եւ վերջինիս վարորդն էր ընդունում նախարարին ուղարկված ծաղիկները:
«Ժողովուրդ» օրաթեթրի թղթակիցը նկատեց, որ կառավարության շենքին մոտեցավ դեսպանատան համարներով մեքենա, եւ Հրանուշ Հակոբյանի վարորդին փոխանցեց վարդեր: Նախարարի վարորդը մեզ հետ զրույցում ասաց, որ նախարարին ծնունդն է, սակայն հրաժարվեց ասել, թե որ դեսպանն էր ուղարկել վարդերը:
Նիստի ավարտից հետո տիկին Հակոբյանը իջավ կրկին վարդերով. Երեւի գործընկերներն էին շնորհավորել նրան ու նվիրել ծաղիկներ»:
Ամբողջությամբ կարող եք կարդալ թերթի այսօրվա համարում:
