Իկարդին չի մասնակցի ԱԱ-2018-ին՝ Մեսսիի հետ լեզու չգտնելու պատճառով
Մաուրոն խաղում էր Լիոնելի կողքին՝ առանց հարգանք ցուցաբերելու: «Ինտերի» հարձակվող Մաուրո Իկարդին չի հայտնվել 2018թ. Աշխարհի առաջնության Արգենտինայի հայտացուցակում:
Հարձակվողը չի հրավիրվել հավաքական վերջին ընկերական խաղերի ժամանակ, Աշխարհի առաջնության ժամանակ Իկարդին նույնպես թիմում չի լինի: Ինչպես հաղորդում է Calciomercato-ն, նա այդպես էլ չկարողացավ հարմարվել «Մեսսիի կլանի» փիլիսոփայությանը:
Սերիայի Ա-ի ընթացիկ մրցաշրջանում Իկարդին դարձել է 24 գոլի հեղինակ: Համարվում է, որ կոնֆլիկտը սկսվել է այն ժամանակ, երբ Մաուրոն գրավեց Արգենտինայի հավաքականի հարձակվող Մաքսի Լոպեսի կնոջ սիրտը:
Պատրաստեց Անի Գաբուզյանը
