The Guardian-ը կազմել է պատմության մեջ լավագույն հիփ-հոփ կոմպոզիցիաների վարկանիշը
The Guardian հրատարակությունը կազմել է պատմության մեջ լավագույն հիփ-հոփ կոմպոզիցիաների վարկանիշը, որոնց հեղինակներն ու կատարողները եղել են կանայք: Ցուցակի առաջատարը դարձել է կին ռեփեր Միսի Էլիոթի The Rain թրեքը։
Կոմպոզիցիան թողարկվել է 1997 թվականին: Դրանում օգտագործվում են բլյուզի երգչուհի Էնն Փիբլի՝ 1973 թվականին թողարկված I Can՚t Stand the Rain երգի սեմփլները: Երաժշտական քննադատները Էլիոթի թրեքը որակել են որպես «արվեստի հղկված մինիմալիստական ստեղծագործություն»: Երկրորդ տեղում հայտնվել է կատարող Լիլ Կիմի Big Momma Thang կոմպոզիցիան: Դրանում կին ռեփերը հայտարարում է, որ տղամարդը, որն իր հետ սեքսով է զբաղվում, պետք է իրեն օրգազմի հասցնի առնվազն 24 անգամ:
Երրորդ հորիզոնականում հիփ-հոփ երգչուհի Քարդի Բիի Bodak Yellow թրեքն է: 2017 թվականին երգը տեղ է գտել Rolling Stone հանդեսի վարկածով տարվա լավագույն կոմպոզիցիաների թոփ-10-ում:
Թոփ-10-ում նաեւ հայտնվել են կին կատարողներ BWP-ի Two Minute Brother, ռեփեր Լորին Հիլի Doo Wop, Նիկի Մինաժի Did It On ‘Em, Ազալիա Բենքսի կատարմամբ՝ 212, շվեդուհի Նենե Չերիի Buffalo Stance թրեքները եւ Not Tonight կոմպոզիցիան, որը հայտնվել է Էնջի Մարտինեզի, Լիլ Քիմի, Միսի Էլիոթի, Left Eye-ի եւ Da Brat-ի կոլաբորացիայի շնորհիվ: Վարկանիշը եզրափակում է ամերիկուհի ռեփեր Ֆոքսի Բրաունի I’ll Be երգը:
