Կեմերովոյի առևտրի կենտրոնում արգելափակված են եղել հրդեհի դեպքում նախատեսված ելքերը. Քննչական կոմիտե
ՌԴ Քննչական կոմիտեն լուրջ խախտումներ է բացահայտել Կեմերովոյի «Ձմեռային բալենի» առեւտրի կենտրոնի շահագործման մեջ, որտեղ բռնկած խոշոր հրդեհն ավելի քան 60 մարդու կյանք է խլել: Մասնավորապես, արգելափակված են եղել հրդեհի դեպքում նախատեսված ելքերը, տեղեկացնում է ՏԱՍՍ-ը:
«Լուրջ խախտումներ են թույլ տրվել ինչպես առեւտրի կենտրոնը շահագործման հանձնելիս, այնպես էլ դրա աշխատանքի ընթացքում: Հրդեհի դեպքում նախատեսված ելքերն առեւտրի կենտրոնում արգելափակված են եղել»,-նշում է քննչական կոմիտեն իր Telegram-ալիքում:
Հետաքննությունն ստուգում է նաեւ այլ խախտումների վերաբերյալ տեղեկատվությունը:
