«Անփոխարինելի մարդիկ չկան, բայց…». Աղվան Վարդանյան
ԱԺ ՀՅԴ խմբակցության քարտուղար Աղվան Վարդանյանը այսօր ԱԺ ճեպազրույցների ժամանակ ասաց, որ իրենք գոհ են Սահմանադրական փոփոխություններից:
Լրագրողներից մեկը հետաքրքրվեց՝ արդյոք ՀՅԴ-ն գո՞հ է այն Սահմանադրությունից, որն անձին երրորդ անգամ երկիրը ղեկավարելու հնարավորություն է ընձեռնում: Ի պատասխան՝ Ա. Վարդանյանն ասաց, որ սահմանադրական փոփոխությունների ժամանակ արդեն պարզ էր, թե վարչապետն ինչ լիազորություններ է ունենալու և ում կողմից է առաջադրվելու: Իսկ Սահմանադրական փոփոխություններից, Ա. Վարդանյանի խոսքով, իրենք գոհ են:
Հարցին՝ Սերժ Սարգսյանը փոխարինելի՞ անձ է այս երկրում, թե՞ փոխարինելի չէ՝ Ա. Վարդանյանն այսպես պատասխանեց. «Անփոխարինելի մարդիկ չկան, բայց լինում են որոշակի ժամանակահատվածներ, երբ գիտելիքները, փորձը, հմտությունները կարող են ծառայել և օգտկար լինել պետական շահերի համար»:
