Բազումում տունն այրվել է
Մարտի 13-ին՝ ժամը 15:19-ին, տեղեկություն է ստացվել, որ հրդեհ է բռնկվել Լոռու մարզի Բազում գյուղում. այրվում է չբնակեցված տուն: Դեպքի վայր են մեկնել երեք մարտական հաշվարկ և Մարզային փրկարարական վարչության օպերատիվ խումբը:
Պարզվել է, որ հրդեհը բռնկվել է տնակում: Հրդեհը մեկուսացվել է ժամը 15:53-ին, մարվել՝ 07:28-ին:
Այրվել են տնակի տանիքն՝ ամբողջությամբ (մոտ 50 քմ), ներսի փայտյա երեսպատումը և պատերի ջերմամեկուսիչ շերտը:
