««Արսենալը» սարսափելի շաբաթից հետո կարևոր հաղթանակ տարավ». Արսեն Վենգեր
Լոնդոնի «Արսենալի» գլխավոր մարզիչ Արսեն Վենգերը մեկնաբանել է Եվրոպայի լիգայի 1/8 եզրափակչի առաջին խաղում «Միլանի» նկատմամբ տարած հաղթանակը (2:0):
«Մենք սարսափելի շաբաթից հետո կարևոր հաղթանակ տարանք: Մեզ համար կարևոր էր հաղթելը, բայց դա չի նշանակում, որ մենք առաջ գնացինք: Մենք պետք է դեռ տանը հաղթենք: Ես շատ գոհ եմ խաղացողների տրամադրվածությունից: Մենք չէինք կարող մեծ ռիսկի դիմել, քանի որ այն դրության մեջ չենք գտնվում: Բայց չէինք կարող ընդհանրապես խուսափել ռիսկից: Հակառակ դեպքում, մենք կկորցնեինք մեր շարժունակությունը:
Երբ պարտվում ես գավաթի եզրափակչում, դժվար է մարսել դա մի քանի օրում: Երբ դու նոկդաունի մեջ ես, ինչպես բռնցքամարտիկը, դու արձագանքելու ժամանակ չես ունենում: Բայց, միևնույն է, պետք է դա անես»,- Վենգերի խոսքերն է մեջբերում Daily Mail-ը:
Պատասխան խաղը տեղի կունենա Լոնդոնում, մարտի 15-ին:
Պատրաստեց Անի Գաբուզյանը
