Դորտմունդի «Բորուսիան» սկսել է նոր պայմանագրի վերաբերյալ բանակցությունները Ռոյսի հետ
Դորտմունդի «Բորուսիան» մտադիր է երկարաձգել պայմանագիրը կիսապաշտպան Մարկո Ռոյսի հետ: Ինչպես հաղորդում է Bild-ը, մոտ ժամանակներս դորմտունդցիները կսկսեն բանակցությունները Մարկո Ռոյսի հետ՝ նոր պայմանագրի վերաբերյալ:
Գործող պայմանագիրը 28-ամյա գերմանացու հետ լրանում է 2019թ. հունիսի 30-ին, և դորտմունդյան ակումբը մտադիր չէ բաժանվել խաղացողից: «Վնասվածքից վերականգնվելու ժամանակ Ռոյսը չէր ուզում մտնել բանակցությունների մեջ, բայց հիմա նա վերադարձել է, և մենք կարող ենք խոսել»,- ասել է «Բորուսիայի» մարզական տնօրեն Ցորկը:
Ավելի վաղ հաղորդվել էր, որ Մարկո Ռոյսի տրանսֆերով կարող է հետաքրքրվել նաև իտալական «Միլանը»:
Պատրաստեց Անի Գաբուզյանը
