Սամվել Բաբայանի և մյուսների գործով առաջին ատյանի դատարանի դատավճիռը մնաց անփոփոխ
ԼՂՀ պաշտպանության բանակի նախկին հրամանատար Սամվել Բաբայանի և մյուսների գործով քիչ առաջ հրապարակվեց Վերաքննիչ դատարանի որոշումը:
Վերաքննիչ դատարանը որոշեց անփոփոխ թողնել առաջին ատյանի դատարանի դատավճիռը և մերժեց ներկայացված բողոքները:
Սամվել Բաբայանի պաշտպան Քալաշյանը լրագրողների հետ զրույցում ասաց, որ ակնակալում էր արդար որոշում, քանի որ, ըստ նրա, բողոքը հիմնավոր էր՝ հիմնված փաստերի վրա:
Պաշտպանը նշեց, որ պատրաստվում են Վճռաբեկ բողոք ներկայացնել:
Հիշեցնենք, որ ատյանի դատարանի դատավճիռը բողոքարկել էր 6 տարի ժամկետով ազատազրկման դատապարտված Սամվել Բաբայանը, 3 տարի ժամկետով ազատազրկման դատապարտված գործարար Սանասար Գաբրիելյանը և 2 տարի ժամկետով ազատազրկման դատապարտված Արմեն Պողոսյանը:
