Ֆլորիդացի հրաձիգը դատարանի առաջ կկանգնի փետրվարի 15-ին
Նիկոլաս Քրուզը, որը հրաձգություն է բացել Ֆլորիդայի նահանգի Փարքլենդ քաղաքի դպրոցի աշակերտների վրա, դատարանի առաջ կկանգի փետրվարի 15-ին: Այդ մասին հայտնել են փաստաբանները:
Ըստ զանգվածային լրատվամիջոցներում ստացված տեղեկատվության՝ իրավապահ կառույցները խուզարկություն են կատարում այն տանը, որտեղ ապրել է հրաձիգը, եւ այլ վայրերում, որոնց մասին չի հայտնվում: Պարզվել է, որ Քրուզն AR-15 հրացանը, որով կրակել է դպրոցում, ձեռք էբերել 2017 թվականին՝ անցնելով հրազենի ձեռքբերման իրավունքի ստուգում:
Ոստիկանությունը, որն ուսումնասիրել էհամակարգչային կայքերը, որոնցից օգտվել է Քրուզը, հայտնաբերել է զենքի տարբեր նմուշների՝ մեծ քանակությամբ լուսանկարներ, այլ նյութեր, որոնց հիման վրա, նրանց կարծիքով՝ կարելի է ենթադրել, որ Քրուզը բռնության հակում է ունեցել:
Քրուզի նախկին համադասարանցիները կարծում են, որ հրաձիգի արարքը կարելի էր կանխատեսել: Աշակերներից մեկը CNN հեռուստաընկերությանը հայտնել է, որ Քրուզը «միշտ հետը զենք է ունեցել եւ նույնիսկ ցուցադրել է այն»: Ինչպես լրագրողներին հայտնել է տեղի շերիֆը, 19-ամյա Քրուզն ավելի վաղ եղել է այդ դպրոցի աշակերտ, սակայն հեռացվել է կարգապահական պատճառներով, հաղորդել է «Ինտերֆաքս» գործակալությունը:
