Խորագիր:

Ռուսթավելի փողոցի նոր վերանորոգված սալաքարերն արդեն ճաքեր են տվել

Ռուսթավելի փողոցի նոր վերանորոգված սալաքարերն արդեն ճաքեր են տվել

Գյումրու Ռուսթավելի փողոցում ի հայտ եկած ճաքերը, թերևս, նորություն էր գյումրեցիների համար:

Փողոցը, որի բացումը տեղի ունեցավ անցած տարվա հոկտեմբերի 18-ին, մեծ ուրախություն պարգևեց գյումրեցիներին, քանի որ Գյումրիում հիմնանորոգվեց Հայաստանում նմանը չունեցող փողոց, որի բացման արարողությանը մասնակցեցին բազմաթիվ հյուրեր, այդ թվում՝ ՀՀ վարչապետ Կարեն Կարապետյանը, և այն տեղի ունեցավ մեծ հանդիսավորությամբ՝ ուղեկցվելով երգ-երաժշտությամբ:

Ընդամենը 3.5 ամիս անց մայթի սալաքարերի ու փողոցում տեղադրված որոշ սալաքարերի վրա խոշոր չափերի ճաքեր են առաջացել:

Նմանատիպ ճաքերի առաջացման պատճառը, ըստ որոշ մասնագետների, կարող է լինել ինչպես՝ սալաքարերի ոչ բավարար որակը, այնպես էլ՝ բետոնի վատ որակը:

Մեզ հետ զրույցում շինարարներից մեկը նշեց, որ սալաքարերի ճաքերի առաջացման երրորդ պատճառը կարող է լինել այն, որ սալաքարերի տակ հարթեցումը լավ չի կատարվել:

«Հիմնական ճաքելու պատճառը նստվածքն է, երկրորդը՝ ջուրը, որը սառույցը սեղմում է, ինչի հետևանքով սալաքարը բացվում է: Բացի այդ, եթե գրունտը լավ նախապատրաստված չէ, կրկին նստվածք կարող է առաջանալ, դրա պատճառով ևս սալաքարերը կարող են ճաքել»,- ասաց մեր զրուցակից շինարար-վարպետներից մեկը:

Անահիտ Սիմոնյան

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։