«Արսենալը» դեռ կարող է հաղթել ԱՊԼ-ն
«Արսենալի» կիսապաշտպան Մոհամեդ Էլ-Նենին մեկնաբանել է լոնդոնյան ակումբի դիրքն Անգլիայի Պրեմիեր լիգայում:
«ԱՊԼ-ն հաղթելու մեջ ոչ մի անհնարին բան չկա: Մենք տիտղոսի համար պայքարելու հնարավորություն դեռ ունենք, մենք պետք է մինչև վերջ պայքարենք, շատ անակնկալներ կարող են տեղի ունենալ:
Եթե այս մրցաշրջանում չկարողանանք մրցել չեմպիոնության համար, ապա մենք պետք է նախապատրաստվենք հաջորդին: Բայց հիմա մենք մտածում ենք լիգայում որքան հնարավոր է բարձր հորիզոնականի վրա ավարտն ազդարարելու մասին»,- ասել է Էլ-Նենին:
«Արսենալն» ավելի մոտ է 18-րդ հորիզոնականում գտնվող թիմին (տարբերությունը՝ 21 միավոր), քան առաջին հորիզոնականում ընթացող «Մանչեսթեր Սիթիին» (24 միավոր):
Պատրաստեց Անի Գաբուզյանը
