Թուրքիայում ջրի սակավության խնդիրը խորանում է
Թուրքիայում ջրի սակավաթյան խնդիրը խորանում է: Ըստ թուրքական «Diken» թերթի կայքի՝ Ստամբուլն աշխարհի խոշորագույն 11 քաղաքների ցանկում ամենաքիչ ջրային պաշարներ ունեցողներից է:
Թուրքիայի կառավարության ներկայացրած պաշտոնական տվյալներով՝ 2016թ.-ին Թուրքիայի քաղաքացիներից յուրաքանչյուրը միջին հաշվով օգտագործել է 1700 մ³ ջուր:
Մասնագետները նշում են, որ 2030թ.-ին դրությունն ավելի կվատանա և վերոնշյալ ցուցանիշը կնվազի:
2014թ. համեմատ 2016թ. Ստամբուլի ջրային պաշարները նվազել են 30 տոկոսով:
Աղբյուրը հիշեցնում է, որ օրերս Թուրքիայի անտառների և ջրային պաշարների հարցերով նախարար Վեյսել Էրօղլուն նշել է, որ 2017-ին 2016-ի համեմատ Ստամբուլում տեղումների քանակը զգալիորեն նվազել է:
Նշվում է, որ այժմ երկիր մոլորակում 2.7 մլրդ մարդ տուժում է ջրի սակավության պատճառով: Աշխարհի խոշորագույն 500 քաղաքներում անցկացված ուսումնասիրությունների համաձայն՝ ամեն 4-րդ մարդը ենթարկվում «ջրային սթրեսի»: Սա ՄԱԿ-ի կողմից սահմանված եզրույթ է, որը կիրառվում է սակավաջրության դեպքում:
