Պուտինը և Էրդողանը պայմանավորվել են համակարգել հատուկ ծառայությունների գործողությունները Սիրիայում
Ռուսաստանի նախագահ Վլադիմիր Պուտինը եւ Թուրքիայի նրա պաշտոնակից Ռեջեփ Թայիփ Էրդողանը, հեռախոսազրույցի ընթացքում քննարկելով Սիրիայի իրադրությունը, պայմանավորվել են ուժեղացնել երկու երկրների զինված ուժերի եւ հատուկ ծառայությունների գործողությունների համակարգումը ահաբեկիչների դեմ մղվող պայքարում:
Այդ մասին հայտնել է Կրեմլի մամուլի ծառայությունը: «Պայմանավորվածություն է ձեռք բերվել ուժեղացնել Ռուսաստանի Դաշնության եւ Թուրքիայի Հանրապետության զինված ուժերի ու հատուկ ծառայությունների գործողությունների համակարգումը ահաբեկչական այն խմբավորումների դեմ պայքարելու նպատակով, որոնք խախտում են մարտական գործողությունների դադարեցման ռեժիմը»,-ասված է հաղորդագրության մեջ:
