«Նեյմարը կարող է դառնալ լավագույնն աշխարհում: Մադրիդին պետք են լավագույնները». Ռոնալդո
Մադրիդի «Ռեալի» և Բրազիլիայի ազգային հավաքականի լեգենդ Ռոնալդոն խոսել է ՊՍԺ-ի հարձակվող Նեյմարի մասին:
«Ես չեմ լսել, որ մադրիդյան ակումբի պաշտոնական ներկայացուցիչները խոսեն Նեյմարի մասին, այդ իսկ պատճառով մեկնաբանություններ անելը բարդ է:
Նեյմարը հրաշալի ֆուտբոլիստ է: Նա կարող է դառնալ լավագույնն աշխարհում: Մադրիդին պետք են լավագույնները:
Թիմը բարդ մրցաշրջան է անցկացնում: Հիմա գործերը վատ չեն միայն Չեմպիոնների լիգայում, տեսնենք՝ ինչ կարող է անել թիմն այս մրցաշարում: Ֆուտբոլում ամեն ինչ շատ արագ է փոխվում»,- նշել է Ռոնալդոն:
Սիրարփի Աղաբաբյան
