Ռիբերտ Լևանդովսկին ամռանը կտեղափոխվի «Ռեալ»
Խաղացողն ուզում է փոխել իրավիճակը: Ինչպես հաղորդում է Marca-ն, «Բավարիայի» հարձակվող Ռոբերտ Լևանդովսկին երազում է Մադրիդի «Ռեալ» տեղափոխվելու մասին:
Նախորդ հոկտեմբերին ակումբներն արդեն բանակցություններ վարել են 29-ամյա լեհի տեղափոխության վերաբերյալ: Հիմա Լևանդովսկին ավելի ուժեղ է տրամադրված փոխելու իրավիճակը և չի պատրաստվում մնալ «Բավարիայում»: Մյունխենցիներն իրենց հերթին՝ չեն պահի խաղացողին, եթե նա ինքը չցանկանա մնալ ակումբում:
Ընթացիկ մրցաշրջանում Լևանդովսկին խփել է 18 գոլ և կատարել է 1 փոխանցում: «Բավարիայի» հետ Ռոբերտի պայմանագրի մեջ, որն ուժի մեջ է մինչև 2021 թվականը, նախատեսված չէ ֆիքսված հրաժարագին:
Պատրաստեց Անի Գաբուզյանը
