70 տարեկան հասակում մահացել է Ջոն Բառլոուն՝ Համացանցի հիմնադիրներից մեկը
Փետրվարի 7-ին կյանքի 71-րդ տարում վախճանվել է Համացանցի հիմնադիրներից մեկը եւ ոչ առեւտրային էլեկտրոնային սահմանագծերի հիմնադրամի (EFF, Electronic Frontier Foundation) հիմնադիր Ջոն Փերի Բառլոուն:
Այս մասին հաղորդվում է հիմնադրամի կայքում: Բառլոուն Ջոն Գիլմորի եւ Միթչել Քափորի հետ միասին 1990 թվականին հիմնել է EFF ոչ առեւտրային կազմակերպությունը՝ Համացանցի օգտատերերի իրավունքների եւ քաղաքացիական ազատությունների պաշտպանության նպատակով՝ ամենից առաջ կառավարական մարմինների եւ մասնավոր կորպորացիաների ոտնձգություններից: Բառլոուն նաեւ հայտնի է որպես մի քանի երգերի հեղինակ՝ ամերիկյան Grateful Dead ռոք-խմբի համար, հաղորդել է ՏԱՍՍ-ը:
