«Կանգնելու ենք կաթի, պանրի դեֆիցիտի խնդրի առաջ. Իրավիճակը շատ տխուր է». «Ժողովուրդ»
«Ժողովուրդ» թերթը գրում է. «Հայաստանում մոլեգնող գնաճը չի շրջանցել կաթնամթերքի շուկան: Այստեղ գների բարձրացումը սկսվել էր դեռ նախորդ տարվա սեպտեմբերից, տարին չորային է եղել, անասնակերը չի բավարարել, և արդյունքում նվազել են կաթի արտադրության ծավալները: Նույն վտանգներն առկա են նաև այսօր:
«Մասնագետների պնդմամբ՝ այս տարվա տաք, միաժամանակ չոր ձմեռը չի կարող իր ազդեցությունը չունենալ գյուղատնտեսության ոլորտի վրա: Ընդ որում, դեռ նախորդ տարվանից 20 տոկոսով բարձրացել է պանրի գինը, և հավանական է, որ այդ գնաճը շարունակվի նաև այս տարի, «Ժողովուրդ» թերթի հետ զրույցում պանրագործների միության նախագահ Արմեն Գրիգորյանն ահազանգել է՝ ինչպես նախորդ տարի, այնպես էլ հիմա կկանգնենք կաթի, ապա պանրի դեֆիցիտի խնդրի առաջ: «Իրավիճակը շատ տխուր է»,- եզրակացրել է նա:
Ու մինչ կառավարությունը, ՀՀ գյուղատնտեսության նախարարությունը փորձում են ձևացնել, թե քայլեր են ձեռնարկում, ՀՀ քաղաքացիները շարունակում են դիմանալ գնաճի «հարվածներին»»:
Ամբողջությամբ կարող եք կարդալ թերթի այսօրվա համարում:
