Քրդերը Սոչիի կոնգրեսին կժամանեն անհատական հրավերներով
Քրդերի ներկայացուցիչները մասնակցելու են Սիրիական ազգային երկխոսություն կոնգրեսին, որը Սոչիում կանցկացվի հունվարի 29-30-ին: Հրավերները նրանց ուղարկվել են անհատական կարգով: Այդ մասին ՌԴ նախագահի՝ սիրիական կարգավորման խնդրով հատուկ ներկայացուցիչ Ալեքսանդր Լավրենտեւը հունվարի 29-ին հայտարարել է ՏԱՍՍ-ին եւ RT հեռուստաալիքին տված հարցազրույցում։
«Հրավերներն ուղարկվել են ոչ միայն խմբերին՝ հաշվի առնելով էթնիկ կամ կրոնական պատկանելությունը, այլեւ անհատական կարգով: Դա վերաբերում է նաեւ քրդերի ներկայացուցչությանը,-ընդգծել է նա:-Որովհետեւ այդ հարցը բավականին հետաքրքիր է եւ շատերին Է հուզում՝ քրդերի ներկայացուցիչները մասնակցելու են արդյոք կոնգրեսին: Ամենայն վստահությամբ ձեզ հայտարարում եմ՝ քրդերը մասնակցելու են, բայց հրավերները նրանց ուղարկվել են անհատական կարգով»:
