Սոֆիա անունով ռոբոտը «կախվել է» կոռուպցիայի մասին հարցից հետո
Սոֆիա անունով մարդանման կին-ռոբոտը «կախվել է», երբ նրան հարցրել են Ուկրաինայում կոռուպցիայի մակարդակի մասին։ Այս մասին տեղեկացնում է ՌԻԱ Նովոստին՝ հղում անելոգ Գերագույն ռադայի պատգամավոր Ալյոնա Շկրումի խոսքերին։
Նրա խոսքերով, դա տեղի է ունեցել Դավոսում՝ Ուկրաինայի տաղավարում։
«Ի՞նչ անել Ուկրաինայում կոռուպցիայի հարցը լուծելու համար։ Այս հարցին ի պատասխան՝ ամենաարդիական Սոֆիա ռոբոտի սկրիպտը կոտրվեց, և պրոցեսորը կախվեց»,- գրել է Շկրումը։
Ավելի վաղ նշվել էր, որ Սոֆիա ռոբոտը ստացել է Սաուդյան Արաբիայի քաղաքացիություն և հայտարարել, որ պատրաստվում է ընտանիք կազմել։
