Ահազանգ ԱԻՆ-ում. Կիևյան կամրջի վրա քաղաքացին տարօրինակ վարքագիծ է դրսևորել
Հունվարի 27-ին, ժամը 13:12-ին ահազանգ է ստացվել, որ հուզված քաղաքացին Երևան քաղաքի Կիևյան կամրջի վրա տարօրինակ վարքագիծ է դրսևորում. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի Հոգեբանական խորհրդատվության գծով հրահանգիչը:
Պարզվել է, որ 1980 թ. ծնված Ս. Ս.-ը գտնվում է հուզական անհավասարակշիռ վիճակում: ՀԱԲ ՀԽԳ հրահանգիչը և ոստիկանության աշխատակիցները շտապօգնության ավտոմեքենային են մոտեցրել Ս. Ս.-ին. ՀԱԲ ՀԽԳ հրահանգիչը ցուցաբերել է հոգեբանական աջակցություն:
Ոստիկանության աշխատակիցները քաղաքացուն տեղափոխել են ոստիկանության Մաշտոցի բաժին:
