Թրամփը պաշտպանում է Թերեզա Մեյի քաղաքականությունը
ԱՄՆ-ի նախագահ Դոնալդ Թրամփը հայտարարել է, որ ինքը լավ հարաբերություններ է հաստատել Մեծ Բրիտանիայի վարչապետ Թերեզա Մեյի հետ: «Ես աջակցում եմ նրան, պաշտպանում եմ նրա արածների ու ասածների մեծ մասը»,-նշել է Սպիտակ տան ղեկավարը:
Համապատասխան հայտարարությունը նա արել է ITV բրիտանական հեռուստաալիքին տված հարցազրույցում, որը եթեր է տրվել հունվարի 26-ին:
ԱՄՆ-ը, նրա խոսքով, պաշտպանում է Մեծ Բրիտանիային եւ անհրաժեշտության դեպքում ռազմական օգնություն ցույց կտա նրան: ԱՄՆ-ը «Մեծ Բրիտանիային պաշտպանում է ռազմական առումով եւ պատրաստ է նրան օգնության գալ, եթե դա պահանջվի»:
Ավելի վաղ Մեյը հայտարարել է Մեծ Բրիտանիայի եւ ԱՄՆ-ի առանձնահատուկ փոխհարաբերությունների մասին: Երկու երկրները, ասել էնա, «կանգնած են ուս-ուսի, որովհետեւ նույն խնդիրներին են բախվում ամբողջ աշխարհում», հաղորդել է ՏԱՍՍ-ը:
