Ի՞նչ ազդեցություն կունենա դիզվառելիքի թանկացումը
Գյուղատնտեսության նախարար Իգնատի Առաքելյանն այսօր կառավարության նիստից հետո լրագրողների հետ զրույցում անդրադարձավ դիզվառելիքի թանկացմանն ու դրա ազդեցությանը գյուղատնտեսական ապրանքների գների վրա։
Ըստ նրա՝ խաղողի, կարտոֆիլի բերքի արժեքի վրա այդ թանկացման ազդեցությունն էական չի լինի, իսկ ցորենի, կերային մշակաբույսերի և դաշտավարության վրա այն ազդում է։ «Իրականում եթե նորմալ ագրոտեխնիկական կանոններ կիրառվեն, այդ ազդեցությունը 3.5-4 դրամ է 1 կգ բերքի վրա։ Դրանից ելնելով, մենք գտնում ենք, որ այս պահին ճիշտ է և ունենք հանձնարարություն, որ դիզվառելանյութը շարունակենք սուբսիդավորել»,- ասաց նախարարը։
Մանրամասները՝ տեսանյութում
