Սիցիլիայում ձերբակալել են «Կոզա նոստրայի» հետ կապված կլանի 40 մաֆիականների
Իտալացի ոստիկանները եւ կարաբիներները հունվարի 24-ին ձերբակալել են կլաններից մեկի 40 մասնակիցների, կլաններ, որոնք կապված են «Կոզա նոստրայի» հետ, հայտնել են քննիչները։
Մաֆիական խումբը, որը հայտնի է որպես «Բարսելոնյան ընտանիք», գործել է կղզու արեւելյան վերջավորության Մեսինա քաղաքի շրջանում: Բոլոր ձերբակալվածները մեղադրվում են իտալական մաֆիայի համար ավանդական իրավախախտումների մեջ. շորթումներ, խարդախություն, կողոպուտներ, զենքի ապօրինի պահում եւ բռնություն:
Սա մաֆիայի դեմ պայքարի արդեն երրորդ խոշոր գործողությունն է ընթացիկ շաբաթվա սկզբից: Հունվարի 22-ին իտալացի կարաբիներներն ավելի քան 50 մարդու էին ձերբակալել «Կոզա նոստրայի» դեմ պայքարի շրջանակներում, ձերբակալվածների թվում են Ագրիջենտոյի նահանգի 16 մաֆիական գերդաստանների ներկայացուցիչներ եւ Սան Բիաջիո Պլատանիի քաղաքագլուխը: Հունվարի 23-ին ձերբակալվել են նեապոլյան «Կամորա» մաֆիայի կլաններից մեկի 45 անդամներ, հաղորդել է ՌԻԱ Նովոստին:
