Երևանում հոգեպես անհավասարակշիռ բնակիչը փակվել է տանը, բացել ծորակը․ ներքևի հարկի բնակարանը ջրալցվել է
Հունվարի 23-ին՝ ժամը 17:55-ին, տեղեկություն է ստացվել, որ Երևան քաղաքի Շիրակի փողոցի թիվ 10 շենքի բնակարաններից մեկի հոգեպես անհավասարակշիռ վիճակում գտնվող բնակիչը փակվել է ներսում, բացել բնակարանի ջրի ծորակը, ինչի հետևանքով ջրալցվում է ներքևի հարկի բնակարանը. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ և Ճգնաժամային կառավարման ազգային կենտրոնի հոգեբանական աջակցության բաժնի օպերատիվ խումբը:
Փրկարարները բացել են բնակարանի դուռը. հոգեբանական աջակցության բաժնի հրահանգիչը բնակչին ցուցաբերել է հոգեբանական աջակցություն:
