Հակոբ Բեգլարյանը գտել է թանկացումներին դիմակայելու տարբերակ՝ ծախսել այնքան, ինչքան ունի
«Պետք է մեր տնտեսությունը զարգացնենք, ժողովուրդը պետք է լավ ապրի, և մեր կուսակցությունը ամեն ինչ անելու է, որ բոլոր ճգնաժամերից դուրս գանք»,- այսօր ԱԺ-ում լրագրողների հետ զրույցում հայտարարեց ՀՀԿ-ական պատգամավոր Հակոբ Բեգլարյանը՝ խոսելով թանկացումների մասին, և թե ինչ պետք է անեն աղքատները։
Թե ինչո՞ւ իշխող ՀՀԿ-ի մոտ չի ստացվում երկիրը դուրս բերել ճգնաժամից, հարցին Հ.Բեգլարյանը չհամաձայնեց. «Շատ լավ էլ, ամեն ինչ էլ արվում է»։
Հարցին՝ այդ դեպքում ինչո՞ւ է ժողովուրդը դժգոհ, ՀՀԿ-ականը հակադարձեց. «Դժգոհություն ամեն տեղ կա՝ և՛ մեզ մոտ, և՛ ավելի զարգացած երկրներում»։ Բեգլարյանը չժխտեց, որ թանկացումները նաև իր վրա են ազդել, և ինքը ստիպված է ծախսել այնքան, ինչքան ունի։ Թե ինչքա՞ն ունի, Բեգլարյանը չբացահայտեց։
