Ստեփանակերտը կունենա նոր ծննդատուն
Ստեփանակերտում կառուցվող «Մոր և մանկան առողջության պահպանման կենտրոն»-ը նախատեսվում է շահագործման հանձնել այս տարի:
«Արցախպրես»-ի թղթակցի հաղորդմամբ՝ այս մասին, հունվարի 22-ին կայացած մամլո ասուլիսին ասել է ԱՀ քաղաքաշինության նախարար Կարեն Շահրամանյանը:
Ըստ նախարարի՝ Ստեփանակերտի պոլիկլինիկայի տարածքում գտնվող 11 հազար 800 քառ./մ մակերեսով շենքի առաջին մասնաշենքը՝ հատկացվելու է ծննդատանը և դրա համար առանձին նախագիծ են պատվիրել. այնտեղ արդեն ընթանում են շինարարական աշխատանքներ:
«Ավարտվել են շենքի ներքին և արտաքին բոլոր կոմունիկացիաները: Ավարտման փուլում են նաև շենքի հարդարման աշխատանքները: Երկրորդ մասնաշենքը, որն զբաղեցնում է 3800 քառ./մ տարածք ևս հատկացվելու է առողջապահական համակարգին. այնտեղ տեղակայվելու է նաև արյան փոխներարկման կենտրոնը»,-հավելել է Կ. Շահրամանյանը:
