Ինչու է Պոգբան աշխատավարձի կրկնակի բարձրացում պահանջում

Ինչպես հաղորդում է Mirror-ը, «Մանչեսթեր Յունայթեդի» կիսապաշտպան Պոլ Պոգբան ուզում է, որպեսզի իր աշխատավարձը լինի չիլիացի հարձակվող Ալեքսիս Սանչեսի աշխատավարձի մակարդակին, ով երեկ պայմանագիր ստորագրեց մանկունյանցիների հետ:

Ըստ պարբերականի տեղեկության՝ ֆրանսիացի ֆուտբոլիստը պահանջում է ավելացնել իր աշխատավարձն ուղիղ 2 անգամ: Հիմա Պոգբան ստանում է շաբաթական 200 հազար ֆունտ (մոտ 227 հազար եվրո): Նշվում է, որ «Մանչեսթեր Յունայթեդը» Սանչեսին 4.5 տարվա համար առաջարկել է մոտ 100 մլն ֆունտ (113 մլն եվրո) աշխատավարձ:

Պոլ Պոգբան իր ներկայիս պայմանագիրը «Մանչեսթեր Յունայթեդի» հետ կնքել է 2016 թվականին՝ «Յուվենթուսից» տեղափոխվելուց հետո:

Պատրաստեց Անի Գաբուզյանը