«Հովիկ Աբրահամյանը նախագահի թեկնածու չէ». Վահրամ Բաղդասարյան
Հովիկ Աբրահամյանը ժամանակավոր պասիվ է քաղաքականությունում, ինչը նորմալ երևույթ է: Այս մասին այսօր ԱԺ-ում լրագրողների հետ զրույցում հայտարարեց ՀՀԿ խմբակցության ղեկավար Վահրամ Բաղդասարյանը` խոսելով նախկինում «մայր գետից» անջատված վտակների վերադարձի հավանականության մասին:
«Հովիկ Աբրահամյանը մեր ընկերն է, իմ ընկերն է, մնում է մեր ընկերը»,- ասաց Վ.Բաղդասարյանը:
Նա չհերքեց, որ Հ.Աբրահամյանը տարբեր խնջույքների ժամանակ ՀՀԿ վերնախավի հետ մի սեղան է նստում. «Դուք ի՞նչ եք կարծում, եթե մի որևէ վարչապետ ազատվում է, հեռանում է աշխատանքից, կամ որևէ մեկը պատգամավոր չէ, դրանով մարդկային հարաբերությունները վերացա՞ն: Նաև ասեմ, որ Հովիկ Աբրահամյանը նախագահի թեկնածու չէ»:
