Ինչ եղանակ է սպասվում առաջիկա օրերին

Հանրապետության տարածքում`

Հունվարի 17-ի ցերեկը, հունվարի 18-19-ը, 20-ի գիշերն առանձին շրջաններում ժամանակ առ ժամանակ, դադարներով, սպասվում են թույլ տեղումներ, առանձին վայրերում` քամու ուժգնացում՝ 15-20 մ/վ արագությամբ: Հունվարի 20-ի ցերեկը, հունվարի 21-22-ը սպասվում է առանց տեղումների եղանակ:

Քամին՝ հյուսիս-արևելյան՝ 3-8 մ/վ արագությամբ:

Օդի ջերմաստիճանը հունվարի 18-20-ը, այսօրվա համեմատ, աստիճանաբար կբարձրանա 5-7 աստիճանով, Լոռիում, Տավուշում, Սյունիքում և Արցախում՝ 11-13 աստիճանով:

Երևան քաղաքում՝

Հունվարի 17-ի ցերեկը, հունվարի 18-19-ը, 20-ի գիշերը ժամանակ առ ժամանակ, դադարներով, հնարավոր են թույլ տեղումներ, գիշերները՝ թաց ձյան տեսքով, հունվարի 20-ի ցերեկը, հունվարի 21-22-ը սպասվում է առանց տեղումների եղանակ:

Երևան քաղաքի հունվարի 18-ի բազմամյա կլիմայական տվյալներ.

• Օդի առավելագույն ջերմաստիճան` 13.40C (1976 թ.)
• Օդի նվազագույն ջերմաստիճան` -25.20C (1973 թ.)
• Օդի միջին օրական ջերմաստիճան` -3.80C