Վերաքննիչ դատարանն առաջիկայում կքննի Սամվել Բաբայանի և մյուսների գործով բողոքները
ԼՂՀ պաշտպանության բանակի նախկին հրամանատար Սամվել Բաբայանի և մյուսների գործով հունվարի 22-ին կկայանա վերաքննիչ քրեական դատարանում առաջին դատական նիստը:
7 անձի վերաբերյալ քրեական գործով վերաքննիչ բողոք է ներկայացվել 3-ի կողմից:
Վերաքննիչ դատարանում գործը կքննվի նախագահող Սեվակ Համբարձումյանի և դատավոր Մանուշակ Պետրոսյանի կողմից:
Մասնավորապես առաջին ատյանի դատարանի դատավճիռը բողոքարկվել է 6 տարի ժամկետով ազատազրկման դատապարտված Սամվել Բաբայանը, 3 տարի ժամկետով ազատազրկման դատապարտված գործարար Սանասար Գաբրիելյանը և 2 տարի ժամկետով ազատազրկման դատապարտված Արմեն Պողոսյանը:
