Իրանի և ՌԴ-ի ԱԳ նախարարները քննարկել են սիրիական կարգավորումը
Ռուսաստանի արտաքին գործերի նախարար Սերգեյ Լավրովը Իրանի իր պաշտոնակից Ջավադ Մոհամադ Զարիֆի հետ հունվարի 16-ին կայացած հեռախոսազրույցի ընթացքում քննարկել է սիրիական կարգավորումը եւ իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) շուրջ ստեղծված իրադրությունը: Այդ մասին ՏԱՍՍ-ին հայտնել են Ռուսաստանի դիվանագիտական գերատեսչությունում։
«Կողմերը կարծիքներ են փոխանակել մի շարք հրատապ միջազգային խնդիրների, մասնավորապես, սիրիական կարգավորման շուրջ՝ Սոչիում Սիրիական ազգային երկխոսության կոնգրեսի անցկացման համատեքստում, ինչպես նաեւ իրանական միջուկային ծրագրի վերաբերյալ Գործողությունների համատեղ համապարփակ ծրագրի շուրջ ստեղծված իրադրությունը»,- նշել են նախարարությունում:
