«Ծնվել է Տոմա Մարգվելաշվիլին». Վրաստանի նախագահը երրորդ անգամ հայր է դարձել
Վրաստանի նախագահ Գեորգի Մարգվելաշվիլին եւ նրա կինը՝ նկարչուհի եւ դերասանուհի Մակի Չիչուան երկրորդ որդին են ունեցել: Այդ մասին հայտնել է պետության ղեկավարը Facebook սոցցանցի իր էջում:
«Ծնվել է Տոմա Մարգվելաշվիլին»,- գրում է նախագահը: Նախագահի վարչակազմում լրագրողներին հայտարարել են, որ նորածինը լույս աշխարհ է եկել հունվարի 15-ին Թբիլիսիի Գուդուշաուրիի կլինիկայում, նրա քաշը 2,950 կիլոգրամ է: Մայրն ու որդին իրենց լավ են զգում:
Մարգվելաշվիլին հայր Է դարձել երրորդ անգամ, նա եւ Մակին արդեն ունեն ընդհանուր երեխա՝ երեք տարեկան Թեյմուրազին: Նախագահը նաեւ չափահաս դուստր ունի առաջին ամուսնությունից: Նրա անունը Աննա է: Առաջին տիկինը Մաշո անունով դուստր ունի, հաղորդել է ՌԻԱ Նովոստին:
