Սի Ցզինպինը և Թրամփը քննարկել են Կորեական թերակղզու իրադրությունը
ՉԺՀ-ի նախագահ Սի Ցզինպինը եւ ԱՄՆ-ի նախագահ Դոնալդ Թրամփը հունվարի 16-ին կայացած հեռախոսազրույցի ընթացքում քննարկել են Կորեական թերակղզու իրադրության վերջերս տեղի ունեցած բարելավումը: Այդ մասին հայտնել է Չինաստանի Կենտրոնական հեռուստատեսությունը:
Զրույցի ընթացքում Չինաստանի ղեկավարը նաեւ գոհունակություն է հայտնել Պեկինի եւ Վաշինգտոնի առեւտրատնտեսական համագործակցության առթիվ: «Այն ձեռնտու է երկու երկրներին, եւ մենք պետք է օժանդակենք գոյություն ունեցող դրական միտումների պահպանմանը»,- նշել է Սի Ցզինպինը:
Իր հերթին Թրամփը հայտարարել է, որ պատրաստ է այսուհետեւ էլ ակտիվ շփումներ պահպանել ՉԺՀ-ի բարձրագույն ղեկավարության հետ կարեւոր խնդրիրների լուծման եւ Պեկինի հետ հարաբերությունների ավելի ներդաշնակ զարգացման համար, հաղորդել է ՏԱՍՍ-ը:
