Գնաճը մեղմելու թեմայով ԱԺ-ում տեղի կունենան խորհրդարանական լսումներ
Այսօր մեկնարկել են Ազգային ժողովի 6-րդ գումարման երրորդ նստաշրջանի աշխատանքները: Ազգային ժողովի նախագահ Արա Բաբլոյանը հայտարարեց, որ՝ հաշվի առնելով հասարակական և քաղաքական շրջանակներում առանձին ապրանքատեսակների գների հետ կապված մտահոգությունները, ինչպես նաև այս հարցի առնչությամբ ՀՀ նախագահ Սերժ Սարգսյանի առաջարկությունները՝ ԱԺ նախագահի նախաձեռնությամբ հուվարի 23-ին, ժամը 11:00-ին հրավիրվում է առանձին ապրանքատեսակների գնաճը մեղմելու հարցերը քննարկելու խորհրդարանական լսումներ:
«Ելք» խմբակցության ղեկավար Նիկոլ Փաշինյանը՝ ճշտեց՝ Սերժ Սարգսյանի հանձնարարականո՞վ են հրավիրվում լսումները: Ի պատասխան՝ Ա. Բաբլոյանն ասաց, որ Ս. Սարգսյանը նման հանձնարարական չի տվել, նա առաջարկություններ է ներկայացրել, իսկ ԱԺ նախագահը նախաձեռնել է այդ լսումները:
