Մասիմիլիանո Ալեգրին համաձայնել է փոխարինել Անտոնիո Կոնտեին «Չելսիում»
Փոխարինեց «Յուվենթուսում», կփոխարինի նաև այստեղ: Հունվարի 11-ին իտալական Corriere dello Sport պարբերականը հաղորդել է, որ «Յուվենթուսի» գլխավոր մարզիչ Մասիմիլիանո Ալեգրին դարձել է «Չեսլիի» գլխավոր նպատակը:
Ավելի ուշ Daily Mail-ը հաղորդեց, որ կողմերն արդեն վարել են բանակցություններ, և Ալեգրին համաձայնել է գլխավորել լոնդոնյան ակումբը, չնայած որ վերջինիս պայմանագիրը «Ծեր սենյորայի» հետ նախատեսված է ևս 2 մրցաշրջանի համար:
Ալեգրին կփոխարինի Անտոնիո Կոնտեին, ինչպես դա արդեն եղել է «Յուվենթուսում» 2014 թվականին:
Մասիմիլիանոն 4-րդ մրցաշրջանն է ղեկավարում «Յուվենթուսը», որի հետ հաղթել է 3 Սկուդետո և 2 անգամ հասել է Չեմպիոնների լիգայի եզրափակիչ:
Պատրաստեց Անի Գաբուզյանը
