Երևանի քաղաքապետարանն ի գիտություն է ընդունել «Ելք»-ի կողմից երթ անցկացնելու իրազեկումը
Երևանի քաղաքապետարանն ի գիտություն է ընդունել Ազգային Ժողովի «Ելք» խմբակցության կողմից երթ անցկացնելու վերաբերյալ իրազեկումը: Այս մասին նշված է Երևանի քաղաքապետարանի պաշտոնական կայքում:
Որոշման մեջ ասված է, որ Երևանի քաղաքապետի լիազոր ներկայացուցչի 2018 թվականի հունվարի 11-ի որոշմամբ ի գիտություն է ընդունվել ՀՀ քաղաքացիներ Էդմոն Մարուքյանի, Արտակ Զեյնալյանի, Նիկոլ Փաշինյանի իրազեկումը՝ սույն թվականի հունվարի 19-ին` ժամը 17.00-22.00-ն, երթ անցկացնելու վերաբերյալ:
