Ձնահողմի պատճառով Ղազախստանի մայրաքաղաքում արտակարգ դրություն է հայտարարված
Աստանայում արտակարգ դրություն է հայտարարվել եղանակային պայմանների կապակցությամբ: Այդ մասին հայտնել է քաղաքի ակիմ (վարչակազմի ղեկավար) Ասեթ Իսեկեշեւը:
«Անբարենպաստ եղանակային պայմանների կապակցությամբ քաղաքապետարանի կողմից հայտարարվել է արտակարգ դրություն»,- հունվարի 11-ին գրել է նա Facebook-ի իր էջում: Աստանայում լույս հունվարի 11-ի գիշերվանից մոլեգնում է ձնահողմը. չեղարկվել են պարապմունքները դպրոցների սովորողների եւ քոլեջների 1-2-րդ կուրսի ուսանողների համար:
Անբարենպաստ եղանակի պատճառով ժամանակավորապես փակվել է Աստանայի միջազգային օդանավակայանը: Քաղաքից ձգվող ճանապարհները բոլոր ուղղություններով փակ են, հաղորդել է «Ինտերֆաքս»-ը:
