Էրդողանը նախագահական ընտրությունների հարցով ընդունել է ազգայնականների առաջնորդին
Թուրքիայի նախագահ Ռեջեփ Թայիփ Էրդողանը նախագահական նստավայրում ընդունել է «Ազգայնական շարժում» կուսակցության առաջնորդ Դևլեթ Բահչելիին: Այս մասին հայտնում է թուրքական «Անադոլու» գործակալությունը:
Դռնփակ հանդիպումը շարունակվել է շուրջ 35 րոպե:
Թեպետ հանդիպման ավարտից հետո որևէ պարզաբանում չի արվել այն մասին, թե ինչ են քննարկել կողմերը, սակայն թուրքական լրատվամիջոցները հիշեցրել են, որ Բահչելին խոստացել է 2019 թվականի նախագահական ընտրություններում աջակցել գործող նախագահին:
Խոսելով ընտրություններին ընդառաջ կուսակցության ծրագրերի ու հնարավոր համագործակցությունների մասին՝ Բահչելին ասել է. «Ազգայնական շարժում» կուսակցությունը երկրի նախագահի թեկնածություն չի առաջադրելու: Կուսակցության նախագահը երկրի նախագահի թեկնածու չի լինելու: Աջակցելու ենք Էրդողանին»:
