Եվրամիությունը պատրաստվում է Brexit-ի շուրջ բանակցությունների հնարավոր ձախողմանը
Եվրամիությունը պատրաստվում է այն հնարավոր սցենարին, որի դեպքում Լոնդոնը եւ Բրյուսելը չեն կարողանա համաձայնության գալ հանրակցության կազմից Մեծ Բրիտանիայի դուրս գալու շուրջ: Այդ մասին Եվրահանձնաժողովի (ԵՀ) պաշտոնական ներկայացուցիչ Մարգարիտիս Սհինասը հայտարարել է հունվարի 9-ին Բրյուսելում կայացած մամուլի ասուլիսում։
«Մենք զարմացած ենք, որ Մեծ Բրիտանիան զարմացած է, որ մենք պատրաստվում ենք այն սցենարին, որը Միացյալ Թագավորությունն ինքն է հայտարարել»,-ասել է նա:
Սհինասն ընդգծել է, որ Մեծ Բրիտանիայի վարչապետ Թերեզա Մեյը քանիցս հայտարարել է, որ «Լոնդոնի համար համաձայնության ձախողումն ավելի լավ է, քան վատ համաձայնագիրը»: «Մենք այդ խոսքերին լուրջ են վերաբերվել, ուստի բնական է, որ մենք նախապատրաստվում ենք ցանկացած ելքի»,-նշել է ԵՀ-ի ներկայացուցիչը, հաղորդել է ՏԱՍՍ-ը:
