Ռոբերտ Նազարյանը՝ էներգետիկայի նախարա՞ր. «Ժամանակ»
«Ժամանակ» թերթի տեղեկություններով՝ քաղաքական շրջանակներում տեղեկություններ են շրջանառվում, որ շուտով իր պաշտոնին հրաժեշտ է տալու Էներգետիկայի նախարար Աշոտ Մանուկյանը: Ասում են՝ նա ինքն է որոշել հրաժարական տալ, քանի որ էներգետիկայի ոլորտում կառավարության վարած քաղաքականության հետ համաձայն չէ:
«Ընդ որում՝ այն կարծիքը, թե նոր նախարար կնշանակվի Կարեն Կարապետյանի փեսան՝ Էներգետիկայի փոխնախարար Հայկ Հարությունյանը, հավանական չի համարվում: Որոշ տեղեկությունների համաձայն՝ նոր նախարար է նշանակվելու Հանրային ծառայությունները կառավարվող հանձնաժողովի նախագահ Ռոբերտ Նազարյանը, ով տարիներ առաջ Էներգետիկայի փոխնախարար է եղել»:
Թերթի հետ զրույցում Ռ. Նազարյանն ասել է, որ ինքը նման առաջարկ չի ստացել:
Ամբողջությամբ կարող եք կարդալ թերթի այսօրվա համարում:
