Թրամփն ամենաանազնիվ ԶԼՄ-ների «պարգևատրումը» հետաձգել է հունվարի 10-ին
ԱՄՆ-ի նախագահ Դոնալդ Թրամփը հետաձգել է «տարվա ամենաանազնիվ ու ծախու ԶԼՄ-ների» մրցանակների շնորհումը, որն ավելի վաղ պլանավորված էր հունվարի 8-ին: Այդ մասին նա գրել է իր Twitter-ում:
«Կեղծ նորությունների համար պարգեւները, որոնք նախատեսված են ամենածախու ու կանխակալ առաջատար ԶԼՄ-ների համար, անհաջողակներին հանձնվելու են չորեքշաբթի՝ հունվարի 10-ին, այլ ոչ թե երկուշաբթի օրը: Այդ պարգեւների նկատմամբ դրսեւորվող հետաքրքրությունը եւ դրանց կարեւորությունը շատ ավելի մեծ է, քան որեւէ մեկը կսպասեր»,- հայտնել է պետության ղեկավարը:
Ամենաանազնիվ ԶԼՄ-ն նշելու մտադրության մասին Թրամփն առաջին անգամ հայտարարել էր դեռ հունվարի 2-ին, հաղորդել է ՏԱՍՍ-ը:
