35-ամյա տղամարդը ամբաստանվում է 5-ամյա երեխայի նկատմամբ սեքսուալ բնույթի բռնի գործողություններ կատարելու մեղադրանքով

5-ամյա աղջիկ երեխայի նկատմամբ սեքսուալ բնույթի բռնի գործողություններ կատարելու մեղադրանքով 35-ամյա տղամարդը հայտնվել է ամբաստանյալի աթոռին:

Մանկահասակ երեխան տղամարդու ընկերուհու փոքրիկն է եղել, տղամարդը նրանց հյուրընկալել է իր՝ Արաբկիր վարչական շրջանում գտնվող տանը, և երբ ընկերուհին տանից բացակայել է և փոքրիկը մնացել է իր խնամքին, այդ ժամանակ էլ երեխայի նկատմամբ կատարվել է սեքսուալ բնույի բռնի գործողություններ:

Ըստ մեղադրանքի՝ տղամարդը, 19.08.2017 մինչև 01.09.2017թ. ընկած ժամանակահատվածում հյուրընկալելով ընկերուհուն և վերջինիս 07.03.2012թ. ծնված մանկահասակ դստերը, օգտվելով երեխայի անօգնական վիճակից, իր համար ակնհայտ 14 տարին չլրացած մանկահասակ փոքրիկի նկատմամբ կատարել է սեքսուալ բնույթի բռնի գործողություններ:

Տղամարդուն մեղադրանք է առաջադրվել ՀՀ քրեական օրենսգրքի 139-րդ հոդվածի 3-րդ մասի 2-րդ կետով:

35-ամյա տղամարդու նկատմամբ որպես խափանման միջոց է ընտրվել կալանավորումը:

Քրեական գործով նախաքննությունն ավարտվել է և գործը դատարանում է:

Աղբյուր` Փաստինֆո