Հրդեհ կարի արհեստանոցում
Հունվարի 4-ին՝ ժամը 23:45-ին, անձը չպարզված քաղաքացուց ահազանգ է ստացվել, որ հրդեհ է բռնկվել Լոռու մարզի Վանաձոր քաղաքի Թումանյան փողոցում գտնվող կրպակներից մեկում: Դեպքի վայր է մեկնել մեկ մարտական հաշվարկ:
Պարզվել է, որ հրդեհ է բռնկվել Մաքսիմ Գորկու փողոցի թիվ 15 հասցեի հարևանությամբ գործող Թելման Զոհրանյանին (ծնվ. 1981թ.) պատկանող ատելիեյում:
Հրդեհը մեկուսացվել է ժամը 00:07-ին, մարվել՝ 00:35-ին: Ամբողջությամբ այրվել է 6 քմ տարածքի ներսում գտնվող հագուստ և 1 կարի մեքենա:
