Football Italia. Սպալետին հանդիպել է Ինտերի ղեկավարների հետ՝ խնդրելով գնել Մխիթարյանի տրանսֆերը
Միլանի «Ինտերը» ցանկանում է փոխանակել թիմի կիսապաշտպան Ժոաո Մարիուի տրանսֆերը «Մանչեսթեր Յունայթեդի» ֆուտբոլիստ Հենրիխ Մխիթարյանի հետ: Այս մասին, armsport.am-ի տեղեկացմամբ, հայտնում է «Foobtall Italia»-ն:
Նշվում է, որ միլանցիների գլխավոր մարզիչ Լուչիանո Սպալետին երեքշաբթի հանդիպել է ակումբի ղեկավարների հետ: Զրույցի ընթացքում քննարկվել է թիմի քաղաքականությունը հունվարյան տրանսֆերային պատուհանի ժամանակ:
Սպալետին անձամբ է խնդրել «ներաձուրիների» ղեկավարներից, որպեսզի նրանք իրականացնեն 28-ամյա հայ ֆուտբոլիստի տեղափոխությունը:
Իտալացի մասնագետը գոհ չէ Մարիուի խաղից և այլևս հույսեր չի կապում պորտուգալացու հետ: Միլանյան ակումբը մտադիր է փոխանակել երկու ֆուտբոլիստներին՝ առանց հավելյալ գումար ավելացնելու: Հաղորդվում է, որ «Ինտերը» 24-ամյա խաղացողի տրանսֆերի համար կմերժի ցանկացած ակումբի առաջարկ ՝ սպասելով «Մանչեսթեր Յունայթեդի» պատասխանին:
«Ինտերի» 10 համարի տեղափոխությունով հետաքրքրվում է նաև ֆրանսիական ՊՍԺ-ն:
