Մոսկվայում Ամանորը կլինի ամենաանձյունը 68 տարվա ընթացքում
Մոսկվայում գալիք Ամանորը կլինի ամենաանձյունը վերջին 68 տարվա ընթացքում: Այդ մասին ՌԻԱ Նովոստիին հայտնել է «Ֆոբոս» եղանակային կենտրոնի առաջատար մասնագետ Եվգենի Տիշկովեցը:
Նա ասել է, որ դեկտեմբերի 31-ին կանցնի ցուրտ մթնոլորտային ճակատ, որը, հիմնականում գիշերային ժամերին եւ դեկտեմբերի 31-ի առավոտյան, կբերի ոչ շատ ձյուն՝ մոտավորապես 3-5 միլիմետր: Ջերմաստիճանն առավոտյան կկազմի մոտավորապես զրո աստիճան, ցերեկը՝ զրո… + 2 աստիճան:
Ամանորի գիշերը, մասնագետի խոսքով՝ կլինի ամպամած, առանց էական տեղումների:
