Պորտուգալիայի նախագահն շտապ վիրահատության է ենթարկվել
Պորտուգալիայի նախագահ Մարսելու Ռեբլեու դե Սոուզան դեկտեմբերի 28-ին Լիսաբոնում շտապ հոսպիտալացվել է եւ վիրահատության ենթարկվել պորտաճողվածքի պատճառով: Այս մասին հաղորդվում է պետության ղեկավարի պաշտոնական կայքում։
Ինչպես հայտնել է Diario de Noticias թերթը, վկայակոչելով պետության ղեկավարի բուժող բժշկին, վիրահատությունը տեւել է շուրջ մեկուկես ժամ եւ ավարտվել է հաջող: Սոուզան, հրատարակության տվյալներով՝ պետք է հիվանդանոցից դուրս գրվի 48 ժամ հետո եւ կարող է ազգին դիմել ավանդական ամանորյա շնորհավորանքով, հաղորդել է ՏԱՍՍ-ը:
